काठमाडौं — कालीमाटी फलफूल तथा तरकारी बजार विकास समितिले आइतबारका लागि कृषि उपजको न्यूनतम थोक मूल्य सार्वजनिक गरेको छ। समितिका अनुसार अधिकांश तरकारीको मूल्य स्थिर रहे पनि केही मौसमी फलफूल तथा तरकारीको मूल्यमा भिन्नता देखिएको छ।
सार्वजनिक मूल्यसूचीअनुसार ठूलो नेपाली गोलभेँडा प्रतिकिलो ३५ रुपैयाँ र सानो लोकल गोलभेँडा ८ रुपैयाँ कायम गरिएको छ। रातो लाम्चो आलु प्रतिकिलो ४५ रुपैयाँ, भारतीय रातो आलु २८ रुपैयाँ तथा भारतीय सुकेको प्याज ५३ रुपैयाँ तोकिएको छ।
हरियो तरकारीतर्फ स्थानीय गाँजर र बन्दा प्रतिकिलो ९०–९० रुपैयाँ, स्थानीय काउली ८० रुपैयाँ, रातो मूला ३० रुपैयाँ, लाम्चो भन्टा १५ रुपैयाँ तथा डल्लो भन्टा ३० रुपैयाँ निर्धारण गरिएको छ। मटरकोशा १२० रुपैयाँ, घिउ सिमी ५० रुपैयाँ, राजमा घिउ सिमी ८० रुपैयाँ, तीते करेला २० रुपैयाँ, लौका २५ रुपैयाँ, परवर र घिरौला ३०–३० रुपैयाँ प्रतिकिलोमा कारोबार हुने समितिले जनाएको छ।
यस्तै पाकेको फर्सी ५० रुपैयाँ, हरियो लाम्चो फर्सी ८० रुपैयाँ, डल्लो हरियो फर्सी १५ रुपैयाँ, भिण्डी ३० रुपैयाँ, सखरखण्ड १०० रुपैयाँ, पिँडालु ९० रुपैयाँ र स्कुस ४० रुपैयाँ प्रतिकिलो तोकिएको छ।
साग तथा च्याउतर्फ रायो साग ३० रुपैयाँ, पालुङ्गो र चमसुरको साग ५०–५० रुपैयाँ प्रतिकिलो निर्धारण गरिएको छ। कन्य च्याउ २२० रुपैयाँ, डल्ले च्याउ ३६० रुपैयाँ, राजा च्याउ २८० रुपैयाँ, सिताके च्याउ ८०० रुपैयाँ, कुरीलो २५० रुपैयाँ तथा न्युरो ९० रुपैयाँ प्रतिकिलोमा कारोबार हुने समितिको मूल्यसूचीमा उल्लेख छ।
फलफूलतर्फ फूजी स्याउ प्रतिकिलो २८० रुपैयाँ, नेपाली केरा २०० रुपैयाँ, मालभोग केरा प्रतिदर्जन १८० रुपैयाँ, कागती १४० रुपैयाँ, अनार ४५० रुपैयाँ, मालदह आँप १४० रुपैयाँ, दसहरी आँप १५० रुपैयाँ, भुइँकटहर प्रतिगोटा १८० रुपैयाँ, स्थानीय काँक्रो ६० रुपैयाँ, हाइब्रिड काँक्रो २० रुपैयाँ, रुखकटहर ४० रुपैयाँ, नेपाली मेवा ८० रुपैयाँ, भारतीय मेवा १०० रुपैयाँ, स्थानीय लिची २५० रुपैयाँ र भारतीय लिची ३०० रुपैयाँ कायम गरिएको छ।
