काठमाडौं । नेपाल उद्योग वाणिज्य संघ काठमाडौंको तेस्रो वार्षिक साधारणसभा तथा दोस्रो अधिवेशन सम्पन्न भएको छ । संघलाई अरुण पौडेल नेतृत्वको निर्वाचन समितिले सर्वसम्मत रुपमा नयाँ नेतृत्व तथा पदाधिकारी दिन सफल भएको छ ।

संघका अध्यक्षलगायत सबै पदाधिकारी तथा सदस्यहरू सर्वसम्मत चयन भएका छन् । अध्यक्षमा अशोका कार्वन एण्ड एलाइड इण्डष्ट्रिज प्रा.लि.का दिनेश श्रेष्ठ चयन भएका छन् । तीन उपाध्यक्षमा एस.जी.इन्टरसेशनलका जयप्रसाद शिवाकोटी, श्रनाथ कलेक्सनका रमानाथ श्रेष्ठ र राजेन ईम्पोरियमका राजेन्द्र शेरचन चयन भएका छन् ।

सघंको महासचिवमा गोधुली इन्टरप्राइजेजका दुर्गाराज श्रेष्ठ, सचिवमा फेसियल हाउस प्रा.लि.का शुष्मा महरा, कोषाध्यक्षमा हिटको प्रा.लि.का प्रदीपमान प्रधान र सहकोषाध्यक्षमा शुभकामना फुटवेर प्रडक्टका नानीराज घिमिरे चयन भएका छन् ।

यसैगरी ११ कार्यसमिति सदस्यमा प्रमहरि मैनाली, सुरेन्द्रभक्त श्रेष्ठ, सागर शाक्य, कुशन प्रधान, राजेन्द्र संग्रौला, दीपक भण्डारी (शिदार्थ ट्रेड), शिशिर बहादुर गौतम, दीपक भण्डारी (रेडियन्ट इन्फोटेक), महेन्द्रकुमार गोयल, सदिश श्रेष्ठ र उज्वलजंग पराक्रम शाह निर्वाचित भएका छन् ।

मिती : २ आश्विन २०८०, मंगलवार १९:३३ बजे प्रकाशित