काठमाडौं । नेपाल प्रहरीका अतिरिक्त महानिरीक्षक (एआईजी)हरुको सरुवा भएको छ । शुक्रबार बसेको मन्त्रिपरिषद् बैठकले एआईजीहको सरुवा गरेको हो ।

प्रहरी प्रधान कार्यालयका अनुसार उपत्यका प्रहरी कार्यालयका प्रमुखमा एआईजी दीपक थापालाई पठाइएको छ । थापा प्रशासन विभाग प्रमुख थिए ।थापाको ठाउँमा एआईजी मिरा चौधरीको सरुवा भएको छ भने चौधरीको ठाउँ कार्य विभागमा उपत्यका प्रहरी प्रमुखबाट एआईजी श्याम ज्ञवालीको सरुवा भएको छ ।

नक्कली भूटानी शरणार्थी प्रकरणको मुद्धा अनुसन्धानमा समन्वय गरेका श्याम ज्ञावालीलाई प्रहरी प्रधानकार्यालयको कार्यविभागमा सरुवा गरिएको छ। उनको स्थानमा प्रशासनका दीपक थापालाई ल्याइएको छ।

प्रधानमन्त्रीले आफू अनुकुल मिलाएर सरुवा गरेका छन्। नक्कली भूटानी शरणार्थी प्रकरणमा तदारूकता देखाएर अनुसन्धान अगाडी बढाइरहेका ज्ञवालीले दाेस्राे चरणकाे अनुसन्धान सुरू गरेका थिए। यस प्रकरणका थप पीडितहरूकाे उजुरी लिएर अनुसन्धान गर्न थालेपछि ज्ञवालीकाे सरूवा गराउनका राजनितिक वृतबाटै चलखेल सुरू भएकाे थियाे। उनकाे सरूवा गराउन प्रधानमन्त्री दाहाललाइ दबाब दिइएकाे बुझिएकाे छ।

यस्तै एकेडेमीका प्रमुख रहेका एआईजी टेक प्रसाद राईको मानवस्रोत विभागमा सरुवा भएको छ भने मानवस्रोत विभाग प्रमुख रहेका सन्दिप भण्डारीको एकेडेमीमा सरुवा भएको प्रहरी प्रधान कार्यालयले  जनाएको छ ।

मिती : २ भाद्र २०८०, शनिबार ०९:२३ बजे प्रकाशित