टोकियो । मध्यपूर्वमा युद्ध विस्तार हुँदै जाँदा त्यसको असर एसियाली शेयर बजारमा स्पष्ट देखिएको छ ।
बुधबार बिहानको कारोबारमा यस क्षेत्रका अधिकांश प्रमुख बजारहरू तीव्र रूपमा ओरालो लागेका छन् ।
इरानमाथि इजरायल अमेरिकी आक्रमण र त्यसपछि विकसित घटनाक्रमका बिच मध्य पूर्वको ऊर्जा आपूर्ति अवरुद्ध हुने डरले लगानीकर्ताहरू त्रसित भएको विश्लेषण गरिएको छ ।
मंगलबार बजार बन्द हुँदा यो सूचक ७ दशमलव २ प्रतिशतले घटेर थियो ।
जापानको निक्केई २२५ सूचक ४ दशमलव ७ प्रतिशतले घटेको थियो भने हङकङको हाङशेङ ३ दशमलव १ प्रतिशतले कमजोर बनेको छ ।
त्यस्तै ताइवानको टाएक्स पनि ३ दशमलव ९ प्रतिशतले घटेको छ ।
विशेषज्ञहरूका अनुसार मध्यपूर्वबाट ठुलो मात्रामा कच्चा तेल र ग्यास आयात गर्ने भएकाले एसियाली अर्थतन्त्रहरू ऊर्जा आपूर्ति अवरोधप्रति विशेष रूपमा संवेदनशील छन् ।
विशेष चिन्ताको विषय भनेको हर्मुज जलडमरूमध्य हो । विश्वको करिब ४६ प्रतिशत कच्चा तेल यही मार्ग हुँदै एसियातर्फ ढुवानी हुने गरेको छ ।
यदि तनाव अझ बढ्दै गयो भने ऊर्जा मूल्यमा थप उछाल आउन सक्ने र त्यसले एसियाली बजारमा थप दबाब सिर्जना गर्ने विश्लेषकहरूले चेतावनी दिइरहेका छन् ।
