काठमाडाैं । सरकारले बहालवाला दुई सचिवहरुको राजीनामा स्वीकृत गरेको छ । मन्त्रिपरिषदको मंगलबारको बैठकले सचिवहरु कमलप्रसाद पोखरेल र बाबुराम अधिकारीको राजीनामा स्वीकृत गरेको हो ।
पोखरेल हालै सञ्चार तथा सूचना प्रविधि मन्त्रालयका सचिव थिए भने अधिकारी प्रधानमन्त्री तथा मन्त्रिपरिषद् कार्यालयमा कार्यरत थिए ।
निजामती किताबखानाका अनुसार आगामी ४ भदौमा अवकाश हुन लागेका अधिकारीले एक साताअघि राजीनामा दिएका थिए । पोखरेल भने २३ भदौ २०८४ सम्म पदमा बहाल रहन पाउने अवस्थामा थिए ।
