काठमाडौं । काठमाडौं महानगरपालिकाका २२४ वटा सहकारी संस्थाविरूद्ध उजुरी परेको छ । महानगरको सहकारी विभागका अनुसार २२४ वटा सहकारी संस्थाविरूद्ध हालसम्म ६ हजारभन्दा बढी उजुरी परेको हो ।

महानगरबाट अहिलेसम्म ७२ वटा सरकारीलाई कारवाहीका लागि प्रहरीमा पठाएको उनले बताए । तर काठमाडौं महानगरपालिका भित्र आएको सहकारी विरुद्धको उजुरी फछ्र्यौट नहुँदा बचतर्कताहरुको गुनासो झन बढ्न गएको सहकारी विभागले नै जनाएको छ ।

तत्कालीन डिभिजन सहकारी कार्यालय स्थानीय तहमा हस्तान्तरण गर्ने नेपाल सरकारले १ साउन २०७४ मा गरेको निर्णय अनुसार महानगर मातहतमा हस्तान्तर र नयाँ दर्ता गरी १ हजार ९५३ वटा सहकारी संस्था छन् । काठमाडौं महानगरले २०७४ साल अघि नै सहकारी ऐन जारी गरिसकेको थियो ।

काठमाडौं महानगरमा १ हजार ६२८ वटा बचत तथा ऋण सहकारी, २६४ वटा बहुउद्देश्यीय सहकारी, ३ वटा श्रमिक सहकारी, १५ वटा कृषि सहकारी, १३ वटा उपभोक्ता सहकारी, ३ वटा सीपमूलक सहकारी, २ वटा शिक्षा सहकारी छन् । सञ्चार, पर्यटन, चिया र साझा क्षेत्रका १/१ वटा सहकारी छन् ।

मिती : २० भाद्र २०८०, बुधबार १३:०७ बजे प्रकाशित