काठमाडौं । कालीमाटी फलफूल तथा तरकारी बजार विकास समितिले आजको मूल्यसूची सार्वजनिक गरेको छ ।
समितिका अनुसार आज नेपाली गोलभेडा ठूलो प्रतिकेजी न्यूनतम १०० रुपैयाँ, टनेल गोलभेडा सानो ५८, भारतीय प्याज सुकेको प्रतिकेजी ४८, घिउ सिमी लोकल ३०, कुरीलो प्रतिकेजी २५०, काउली स्थानीय प्रतिकेजी ६० रुपैयाँ, आलु रातो ४८, भारतीय आलु रातो ३५, लौका प्रतिकेजी ५० रुपैयाँमा किनबेच भइरहेको छ ।
त्यसैगरी डल्लेच्याउ प्रतिकेजी ३०० रुपैयाँ, गाँजर ११०, बन्दा लोकल १२, मूला रातो ३०, भन्टा लाम्चो ३०, मकै बोडी ५०, टाटे सिमी ८०, ब्रोकाउली ८०, कागती १५० रुपैयाँ, भिण्डी ३५, न्यूरो ५० रुपैयाँ, रातो बन्दा ७०, लोकल काँक्रो ५०, गुन्दुक २५०, अदुवा प्रतिकेजी २७० रुपैयाँ रहेको समितिले जनाएको छ ।
समितिका अनुसार केरा दर्जनको १५०, अनार ३५० रुपैयाँ, नासपाती ६०, एभोकाडो ५०० रुपैयाँ, हरियो अंगुर ४५०, किवि ८००, हरियो खुर्सानी अकबरे २५० रुपैयाँ, रहु माछा ३१०, छडी माछा २४०, ताजा माछा (मुंगरी) ३२० रुपैयाँ कायम भइ खरिद बिक्री भइरहेको छ ।
यस्तै, मालदह आँप १५०, हरियो धनिया ८०, लसुन हरियो ७०, खुर्सानी सुकेको ४५०, नेपाली लसुन २१०, चाइनिज लसुन २७०, रुख कटहर ४०, भेडे खुर्सानी ८० रुपैयाँमा कारोबार भइरहेको छ ।
