काठमाडौँ । व्यवसायी दिपक मल्होत्राले सिनामंगलबाट बरामद करिब १ क्विन्टल सुन तस्करी प्रकरणमा अफ्नो संलग्नता नरहेको दाबी गरेका छन्। अवैध सुन आयात प्रकरणमा केहि संचार माध्यममा आफ्नो नाम मुछिएपछि दीपक मल्होत्राले पत्रकार सम्मेलनको आयोजना गर्ने भएका छन् । मल्होत्राले आज दिउँसो १ बजे होटेल रोयल सिंगीमा पत्रकार सम्मेलन गर्न लागेको अर्थसंजाललाई जानकारी दिए ।

व्यवसायी मल्होत्राले उक्त प्रकरणमा आफ्नो कुनै संलग्नता नभएको र सुन आफ्नो नभएको दाबी गरेका छन्। उनले भने‘केही केहि संचारमाध्यमले पूर्वाग्राही ढंगबाट मेरो नाम मुछे, किन यसो गरियो भन्नेमा म आफैँ अचम्मित छु यस प्रकरणमा मेरो कुनै संलग्नता भेटिए जस्तोसुकै सजाय भोग्न तयार म छु।’

त्रिभुवन अन्तर्राष्ट्रिय विमानस्थलमा हङकङबाट ल्याइएको अवैध आयात प्रकरणमा केही सञ्चार माध्यमले मल्होत्राको संलग्नता रहेको उल्लेख गरेका छन् । बरामद गरिएको सुनका बिषयमा प्रहरीले कसको र कति मात्रामा रहेको भन्ने आधिकारिक जानकारी दिएको भने छैन । उक्त सुन करिब १ अर्ब रुपैयाँबराबरकोहुन सक्ने अनुमान छ ।

मिती : ४ श्रावण २०८०, बिहीबार १०:५५ बजे प्रकाशित