माछापुच्छ्रे बैंकले  रौतहट शाखाबाट ग्राहकको रकम अन्यत्र ट्रान्सफर भएको विषयमा गम्भीर ध्यानाकर्षण भएको भन्दै आफ्नो सिस्टममा कुनै समस्या नरहेको स्पष्ट पारेको छ । यस घटनाप्रति आफ्नो गम्भीर ध्यानाकर्षण भएको बताउँदै बैंकले यसबारे अनुसन्धान गर्दा सम्पूर्ण रकम ग्राहकको मोबाइल बैंकिङ्ग प्रयोग गरी अन्य बैंकका विभिन्न खाताहरु तथा खल्ती वालेटमा ट्रान्सफर भएको पाइएको पनि जनाएको छ ।

बैंकले विज्ञप्तिमार्फत भनेको छ, ‘बैंकको सिस्टममा कुनै समस्या नदेखिएको र बैंकबाट पठाइएका सम्पूर्ण एसएमएस, एक्टिभेसन कोड तथा ओटीपी ग्राहककै मोबाइलमा गएको देखिएको हुनाले उक्ता कोड अनधिकृत व्यक्तिलाई जानकारी नगराई वा ग्राहकको मोबाइलमा अनधिकृत पहुँच नपुर्याई उक्त कारोबार हुन नसक्ने देखिन्छ । यस सम्बन्धमा थप अनुसन्धान गरी आश्यक कारबाही गर्न प्रहरीमा अनुरोध समेत गरिसकिएको जानकारी गराउन चाहन्छौं ।’

बैंकले आफ्ना अन्य सम्पूर्ण ग्राहकको खातामा रहेको बचत पूर्ण रुपमा सुरक्षित रहेको पनि जनाएको छ । साथै मोबाइल बैंकिङ्ग प्रयोग गर्दा सावधानी अपनाउन पनि सबैमा अनुरोध गरेको छ ।

मिती : ९ जेष्ठ २०८०, मंगलवार २०:०० बजे प्रकाशित