काठमाडौं । नेपालका लागि होण्डा कारको आधिकारिक वितरक स्याकार ट्रेडिङ कम्पनी प्रालि र एनआईसी एसिया बैंकबीच होण्डाका ग्राहकलाई सहुलियतपूर्ण अटो लोन उपलब्ध गराउनेसम्बन्धी सम्झौता भएको छ।
सम्झौताअनुसार एनआईसी एसिया बैंकले होण्डाका ग्राहकलाई आकर्षक तथा कम ब्याजदरमा सवारी कर्जा उपलब्ध गराउनेछ। ग्राहकले कर्जाका लागि आवश्यक सम्पूर्ण कागजात बुझाएको छ कार्यदिनभित्रै ऋण प्रक्रिया पूरा गर्ने प्रतिबद्धता बैंकले जनाएको छ।
यो फाइनान्सिङ सुविधा होण्डाका विभिन्न लोकप्रिय मोडल खरिद गर्ने ग्राहकका लागि उपलब्ध हुनेछ। जसअन्तर्गत होण्डा सीआर–भी, सिटी ईःएचईभी, फिफ्थ जेनेरेसन सिटी र एलिभेट लगायतका गाडी खरिदमा ग्राहकले कर्जा सुविधा लिन सक्नेछन्।
नयाँ होण्डा गाडी खरिद गर्न चाहने ग्राहकलाई वित्तीय रूपमा सहजता प्रदान गर्ने उद्देश्यले बैंकसँग सहकार्य गरिएको स्याकार ट्रेडिङले जनाएको छ। सम्झौताले ग्राहकलाई गाडी खरिदका लागि आवश्यक रकम व्यवस्थापन गर्न सहज हुने कम्पनीको अपेक्षा छ।
सम्झौतापत्रमा एनआईसी एसिया बैंकका चिफ बिजनेस अफिसर अमित केसी र हेड–मोर्टगेज बैंकिङ तथा अटो लोन दीपक आचार्य तथा स्याकार ट्रेडिङ कम्पनी (होण्डा कार) का प्रबन्ध निर्देशक सृजना शाक्य ज्योतिले हस्ताक्षर गरेका छन्।
