परासी । नवलपरासी क्षेत्र नम्बर २ मा कांग्रेसका देवेन्द्रराज कँडेल र भीमबहादुर थापा(भरत)को विवादित उम्मेदवारीको विषय निर्वाचन आयोगले टुंगो लगाएको छ।
दुवै जनाले आफू आधिकारिक उम्मेदवार रहेको भन्दै जिल्ला निर्वाचन अधिकृतको कार्यालयमा उम्मेदवारी दर्ता गराएका थिए। तर, थापाले पहिलो उम्मेदवारी दर्ता गराएका थिए।
कँडेलको उम्मेदवारीलाई निर्वाचन अधिकृतको कार्यालयले दर्ता नम्बर उल्लेख नगरी क्रम संख्या मात्र राखेर कायम गरेको थियो। उम्मेदवारी विवादपछि आयोगले पहिलो दर्ता गर्नेलाई आधिकारिकता दिएपछि कँडेलको उम्मेदवारी रद्द भएको हो।
Artha Sanjal
