काठमाडौँ । नेपाली कांग्रेसको केन्द्रीय कार्यसमिति बैठक आज बस्दै छ। बिहान ११ बजे पार्टी केन्द्रीय कार्यालय सानेपामा बैठक बोलाइएको मुख्यसचिव कृष्णप्रसाद पौडेलले जानकारी दिए।
बैठकमा केन्द्रीय कार्यसमितिका पदाधिकारी र सदस्यसहित सातै प्रदेशका सभापतिलाई उपस्थित हुन निर्देशन दिइएको छ। आइतबारदेखि काठमाडौँको भृकुटीमण्डपमा महामन्त्रीद्वय गगन थापा र विश्वप्रकाश शर्माको पहलमा दोस्रो विशेष महाधिवेशन चलिरहेको सन्दर्भमा बैठक आह्वान गरिएको हो।
महाधिवेशनसँग सम्बन्धित विषयवस्तुका साथै समसामयिक राजनीतिक अवस्थाबारे छलफल गरी आवश्यक निर्णय लिने तयारी गरिएको बुझिएको छ।
Artha Sanjal
