काठमाडौं । नेपाल इन्भेष्टमेन्ट मेगा बैंकले भदौ महिनाका लागि ब्याजदर घटाएर नयाँ ब्याजदर सार्वजनिक गरेको छ ।
बैंकले मुद्दती निक्षेपमा व्यक्तिगततर्फ ६.५०%, रेमिटेन्समा ७.५०% र संस्थागततर्फ ५.५०% अधिकतम ब्याजदर ताकेको छ । साउनमा बैंकको ब्याजदर व्यक्तिगततर्फ ७%, रेमिटेन्सतर्फ ८% र संस्थागततर्फ ६% अधिकतम थियो ।
भदौ महिनाका लागि व्यक्तिगततर्फ ३ देखि ६ महिना अवधिका लागि ४.७५%, ६ देखि माथि १२ महिनाभन्दा कम अवधिका लागि ५.५०%, १ देखि २ वर्ष अवधिका लागि ६% र २ वर्षदेखि माथिको अवधिका लागि ६.५०% ब्याजदर तोकेको छ । रेमिटेन्समा १ वर्ष अवधिमा ६.५०%, १ देखि २ वर्ष अवधिमा ७% र २ वर्षदेखि माथि अवधिमा ७.५०% ब्याजदर निर्धारण भएको छ ।
त्यस्तै, संस्थागततर्फ बैंकको ब्याजदर ६ महिनादेखि १ वर्ष अवधिमा ४.५०%, १ देखि २ वर्ष अवधिमा ५% र २ वर्षदेखि माथि अवधिमा ५.५०% कायम भएको छ ।
