काठमाडौं । इक्रा नेपाल आफ्नो ११ औँ वार्षिक साधारणसभा आह्वान गरेको छ । कम्पनी सञ्चालक समितिको बैठकले गरेको निर्णयानुसार कम्पनीको उक्त सभा असोज २५ गते काठमाडौंको ठमेलस्थित एलोफ्टमा मध्याह्न १२:३० बजेबाट सुरु हुनेछ।

सभाले आर्थिक वर्ष २०७९–८०का लागि सञ्चालक समिति प्रस्तावित हाल कायम चुक्तापुँजीको ५९.१० प्रतिशतले हुन आउने नगद लाभांश (करसहित) पारित गर्नेछ। जसअनुसार कम्पनीले आफ्ना सेयरधनीहरु कुल ४ करोड २५ लाख ५३ हजार ५३८ रुपैयाँ नगद लाभांश वितरण गर्नेछ।

सभाले सञ्चालक समितिबाट प्रस्तुत गरिने गत आर्थिक वर्षको वार्षिक तथा लेखापरीक्षकको प्रतिवेदन पनि स्वीकृत गर्नेछ।

मिती : २ आश्विन २०८०, मंगलवार १२:२१ बजे प्रकाशित