काठमाडौं । रचना रिमालको स्वरमा ‘पिता’ बोलको गीत सार्वजनिक भएको छ । गीतकार डा.ओमकृष्ण प्रसाईंको शब्दमा रचना रिमालको स्वर र राज्य राई देमिनको संगीतमा रहेको ‘पिता’ बोलको गीत बिहिबार संवाद डबलीमा सार्बजनिक भएको हाे ।
सो कार्यक्रममा वरिष्ठ संगीतकार सुरेश चन्द्र अधिकारीले डा.ओमकृष्ण प्रसाईंको ‘पिता’ गीत सांगीतक क्षेत्रमा नयाँ आयामको गीत आएको धारणा राखेका छन् । संसारमा आमा या अरु कुनै पनि विषयमा निकै स्तुति गान हुने गरे पनि पिताको विषयमा त्यस्तो नपाईको परिप्रेक्षमा सांगितकोे माध्यमबाट साम्मान हुनु ऐतिहासिक भएको जिकिर गरे ।
गीतकार डा.प्रसाईंले परिवारको सबैभन्दा जिम्मेवारी व्यक्ती पितालाई सम्झेर गीत सिर्जना, निर्माण र प्रस्तुतीकरण गरेर आमा र बुबा सन्तानका लागि समान र प्रकृतिका अमुल्य बरदान भएको बताउने प्रयास गरेको बताए ।
त्यसैगरी वरिष्ठ संगीतकार चेतन सापकोटा, वसन्त सापकोटा लगायतले सो गीतको समिक्षा गरेका थिए ।
उनिहरुले समिक्षा गर्दै परिवारमा प्रेम सेलाएको,एक अर्काबीच विचारसिलता हराएर सम्मान समेत बिलाउदै गैरहेको परिप्रेक्षमा अहिले हाम्रो समाज बिकृतीतर्फ धकेलि रहेकोले यस गीतले केही नयाँ सकारात्मक सन्देश दिने विश्वास व्यक्त गरे ।
गीतकारः डा.ओमकृष्ण प्रसाईं
संगीतः राज्य राई देमिन
स्वरः रचना रिमाल
एरेन्जरः संजय हमाल
स्टुडियोः एलेबल
रेकर्डिष्टः सुबास कुथुमी राई
गीत मिक्सिङः गोविन्द सोनि
कलाकारः ओम कृष्ण प्रसाईं-अनु आचार्य
बाल कलाकारः नायरा प्रसाईं-पसाङ शेर्पा
क्यामेराः बिनोद सापकोटा
मेकअपः सुमन शंकर
सम्पादनः राजेन्द्र खडका
निर्देशनःराज्य राई देमिन
