काठमाडौं । जीवन बीमा कम्पनीहरुले साउन महिनामा साढे १९ अर्ब रुपैयाँ बढी बीमाशुल्क आर्जन गरेका छन् । नेपाल बीमा प्राधिकरणले सार्वजनिक गरेको तथ्यांकअनुसार १४ जीवन बीमा कम्पनीहरुले १९ अर्ब ६० करोड ६९ लाख रुपैयाँ प्रिमियम कलेक्सन गरेका हुन्।
जसमा २ अर्ब २९ करोड ७४ लाख रुपैयाँ प्रथम बीमाशुल्क र १७ अर्ब ३० करोड ८९ लाख रुपैयाँ नवीकरण बीमा शुल्क छन् ।
साउनमा सबैभन्दा धेरै नेपाल लाइफ इन्स्योरेन्सले ५ अर्ब २२ करोड ३८ लाख रुपैयाँ प्रिमियम संकलन गरेको छ । कम्पनीले प्रथम बीमा शुल्कबाट ५६ करोड ३१ लाख रुपैयाँ र नवीकरणबाट ४ अर्ब ६६ करोड ६ लाख रुपैयाँ प्रिमियम संकलन गरेको छ ।
त्यस्तै, दौश्रो स्थानमा राष्ट्रिय बीमा संस्थानको ३ अर्ब ३४ करोड ३४ लाख, तेस्रोमा हिमालयन लाइफले १ अर्ब ९३ करोड ७७ लाख, चौथोमा एलआईसी नेपालले १ अर्ब ९२ करोड ५५ लाख रहेको छ ।
साउनमा नेसनल लाइफले १ अर्ब ८० करोड रुपैयाँ, सूर्यज्योति लाइफले १ अर्ब रुपैयाँ, एसियन लाइफले ८१ करोड ९९ लाख रुपैयाँ, सानिमा रिलायन्सले ६६ करोड ८१ लाख रुपैयाँ, सिटिजन लाइफले ५७ करोड ९४ लाख रुपैयाँ, प्रभु महालक्ष्मीले ५४ करोड ११ लाख रुपैयाँ र आइएमई लाइफले ५२ करोड ५९ लाख रुपैयाँ बीमाशुल्क आर्जन गरेको छ ।
त्यसैगरी मेट लाइफले ४९ करोड २३ लाख रुपैयाँ, रिलायबल नेपाल लाइफले ३८ करोड ११ लाख रुपैयाँ र सन नेपाल लाइफले ३५ करोड ६२ लाख रुपैयाँ प्रिमियम संकलन गरेको छ ।
साउन महिनासम्म सक्रिय बीमालेखको संख्या १ करोड ४० लाख २० हजार ८४७ रहेको छ । यो अवधिमा जारी बीमालेखको संख्या ८ लाख ३२ हजार ७५९ रहेको छ भने कुल बीमांक रकम १ खर्ब ५३ अर्ब २४ करोड ८४ लाख रुपैयाँ रहेको छ ।
सूचीसहित:
अर्थ सन्जाल