काठमाडौं । भारतले प्याजमा ४० प्रतिशत निर्यात कर लगाएको छ । भारतले शनिबारदेखि लागू हुने गरी प्याजको निर्यातमा थप ४० प्रतिशत निर्यात महसुल लगाउने घोषणा गरेको हो ।

भारतले प्याजमा निर्यात कर लगाउने भएसँगै नेपालमा यसको मूल्य बढ्ने भएको छ । नेपाल प्याजमा भारतमै परनिर्भर जस्तै छ । नेपालले वार्शेनुई भारतबाट अर्बौ रुपैयाँको प्याज आयात गर्दै आइरहेको छ । गत वर्ष नेपालले भारतबाट ६ अर्ब ७५ करोड रुपैयाँको १८ करोड किलो प्याज आयात गरेको थियो ।

विश्वमा भारतले सबैभन्दा धेरै प्याज निर्यात गर्दै आएको छ । हाल कालिमाटी फलफूल तथा तरकारी बजारमा प्याजको मूल्य प्रतिकिलो ६५ रुपैयाँ हाराहारीमा छ । नेपाल सरकारले यसअघि बजेटमार्फत प्याजमा १३ प्रतिशत मूल्य अभिवृद्धि कर लगाइसकेको छ । भारतले लगाएको निर्यात कर र स्वदेशमा लाग्ने १३ प्रतिशत मूल्य अभिवृद्धि करले नेपालमा प्याजको मूल्य उच्च दरमा बढ्ने अनुमान गरिएको छ ।

मिती : ३ भाद्र २०८०, आईतवार १३:५० बजे प्रकाशित