काठमाडौं । स्थानीयको निरन्तर अवरोधपछि बल प्रयोग गरेर काठमाडौं उपत्यकाको फोहोर बञ्चरेडाँडामा लगेर विसर्जन सुरू गरिएको छ । प्रहरीको स्कर्टिङबाट शुक्रबार प्रहरीको स्कर्टिङमार्फत काठमाडौं उपत्यकाबाट फोहोर बोकेर गएका करिब १ सय भन्दा गाडी बञ्चरेडाँडा ल्यान्डफिल्ड साइट पुगेका छन् ।

स्थानीयले अवरोध गर्दैगर्दै फोर्स प्रयोग गरेरै ल्यान्डफिल्ड साइटमा फोहोर बिसर्जन गरेको स्थानीय सुमित्रा घिमिरेले बताइन् । फोहोर र मान्छे एकै ठाउँमा राख्न नमिल्ने भन्दै स्थानीयले फोहोर बोकेर गएका गाडीलाई सिसडोलमा अवरोध गर्न खोजेपनि प्रहरीले बल प्रयोग गरेको हो ।

स्थानीयहरूले १ साउनदेखि बञ्चरेडाँडाको ल्यान्डफिल्ड साइटमा फोहोर विसर्जन गर्न अवरोध गर्दै आइरहेका छन्। स्थानीयको अवरोधका कारण काठमाडौं महानगरबाट फोहोर बोकेका कुनै पनि ल्यान्डफिल्ड साइट जान सकेका थिएनन् ।

मिती : ५ श्रावण २०८०, शुक्रबार १८:०१ बजे प्रकाशित