काठमाडाै । एसीसी टिम्स इमर्जिङ एसियाकपमा नेपालले सान्त्वना जित निकालेको छ । नेपालले आफ्नो अन्तिम खेलमा युएईलाई ३ विकेटले पराजित गर्दै सान्त्वना जित दर्ता गरेको हो ।
जितका लागि पाएको १५८ रनको लक्ष्य नेपालले २३ ओभरमा ७ विकेटको क्षतीमा भेट्टायो । जसमा कुशल भुर्तेलले सर्वाधिक ७१ रनको योगदान गरे । यस्तै देब खनालले २४, सन्दीप जोराले २४,गुल्शन झाले ११, रोहित पौडेलले ९ रन बनाए ।
युएइका मोहम्मद फराजउद्दीनले ५ विकेट हात पारे । त्यसअघि श्रीलंकाको कोलोम्बोस्थित पी सारा ओभलमा टस जितेर पहिला ब्याटिङ गरेको युएई ४४ ओभरमा १५७ रनमा अलआउट भयो ।
युएईका लागि लभप्रित सिंहले सर्वाधिक ५२ रन बनाए । त्यस्तै इथान डिसुजाले १८ , अस्वस्थ भालथापाले १६ रनको योगदान गरे । त्यस्तै युएईका आर्यांस शर्माले १४ र जस जियान्नीले १३ रन जोड्नु बाहेक अन्य खेलाडीले दोहोरो अंकको रन बनाउन असफल रहे ।
नेपालका लागि कुशल भुर्तेलले ६, श्याम ढकालले दुई तथा कुशल मल्ल र पवन सर्राफले एक एक विकेट लिए ।
कुशल भुर्तेलले करियर कै सफल बलिङ गरेका छन् । उनले आफ्नो पुरा स्पेल बलिङ गर्दै ४० रन खर्चेर ६ विकेट लिए । त्यस्तै मौसम ढकालले ९ ओभर बलिङ गर्दा दुई विकेट लिए । कुशल मल्ल र पवन सर्राफको नाममा एक एक विकेट रह्यो ।
युएईविरद्धको खेलमा नेपालले आज चार परिवर्तन गरेको थियो । नेपालका सोमपाल कामी, आशिफ शेख, ललित नारायण राजवंशी र भिम सार्की बेन्चमा बस्दा प्रतिस जिसी, मौसम ढकाल सन्दिप जोरा र अर्जुन साउदले मौका पाएका हुन् ।
यसअघि प्रतियोगिताको अन्तरगत भारत र पाकिस्तानविरुद्धको खेलमा नेपाल पराजित भएको थियो । नेपाल पहिलो खेलमा पाकिस्तान ए सँग ४ विकेट तथा भारत ए सँग ९ विकेटले पराजित भएको थियो ।
अर्थ सन्जाल