काठमाडौं । सहकारी पीडित बचतकर्ता महासंघ संघर्ष समितिले एक हप्ता अघि सुरु गरेको विरोध तथा धर्ना कार्यक्रम जारी राखेको छ ।
आफूहरुको मागहरु सम्बोधन नभएसम्म सडक संघर्ष गर्ने बताएको महासघंले आज माइतीघरदेखि नयाँ बानेश्वरसम्म र्याली निकालेको छ । विभिन्न सहकारीका पीडित बचतकर्ताहरु करिब ३०० जना उपस्थित र्यालीमा पीडितहरुले विभ्रिन्न प्लेकार्ड देखाउनुका साथै अर्धनग्न भएर विरोध जनाएका थिए ।
दश भन्दा बढी सहकारीका बचतकर्ता पीडितहरु विभिन्न मागहरु राख्दै माइतीघरमा विरोध तथा धर्नामा उत्रिएका छन् । बचतकर्ताहरुले आफ्नो बचत ब्याजसहित फिर्ता हुनुपर्ने, ठग्ने सहकारी संचालक समिति र परिवार तथा कर्मचारी ,नातागोता लगायतको सम्पत्ति रोक्का हुनुपर्ने, सहकारी पीडितलाई राज्य कोषबाट रकम दिने व्यवस्था गरिनुपर्ने र सहकारीलाई राष्ट्र बैंकको निगरानीमा राखिनुपर्ने लगायतका माग गर्दै विरोध तथा धर्ना कार्यक्रम गरेका हुन् ।
हेर्नुहोस् तस्बिरहरु :
