प्रभु बैंक लिमिटेडले संस्थापक सेयरहरू धमाधम बिक्री गर्दैछ । बैंकको संस्थापक सेयरधनीले आफ्नो नाममा रहेको २५ लाख ७ हजार ४२९ कित्ता संस्थापक सेयर बिक्री गर्न निवेदन दिएपछि बैंकले उक्त सेयर बिक्री गर्न लागेको हो । बैंकका संस्थापक सेयरधनी गणपति वनस्पति प्रा.लीले सबैभन्दा बढि १६ लाख ५९ हजार २४३ कित्ता सेयर बिक्रि गर्न लागेको छ ।

नेपाल राष्ट्र बैंकको निर्देशन बमोजिम बैंकले एक सूचना प्रकासित गर्दै बैंकका संस्थापक शेयरधनीहरुलाई पहिलो प्राथमिकता दिनुपर्ने नियमअनुसार खरिद गर्न इच्छुक संस्थापक शेयरधनीहरुलाई आह्वान गरेको छ। बैंकले सूचना जारी भएको मितिले ३५ दिनभित्र आवश्यक कागजजात सहित बैंकको केन्द्रिय कार्यलयमा निवेदन दिन आग्रह समेत गरेको छ ।

उक्त समयावधिभित्र संस्थापक शेयरधनीहरुको दावी नभएमा बैंक तथा वित्तीय संस्था ऐन, २०७३, को निर्देशन र अन्य प्रचलित कानून अनुसार अन्य व्यक्तिहरुलाई सस्थापक सेयार बिक्री गरिने पनि बैंकले जनाएको छ ।

मिती : २८ चैत्र २०७९, मंगलवार ०८:४२ बजे प्रकाशित