एनआईसी एशिया बैंक र वर्ल्ड रेमिटबीच नयाँ सम्झौता भएको छ । बैंक र वर्ल्डरेमिटबीच मलेसियाबाट नेपालमा जुनसुकै बैंक खातामा तुरुन्त रकम पठाउन सकिने सम्झौता भएको हो ।
यसबाट मलेसियामा बस्दै आएका नेपालीले बिना झन्झट वल्र्डरेमिटको एप तथा वेबसाइटको प्रयोग गरी नेपालका कुनै पनि बैंक खातामा अनलाइनमार्फत तुरुन्त रकम पठाउन सक्नेछन् ।
यसबाहेक विदेशबाट आफुले इच्छाएको व्यक्तिको नाममा रेमिट्यान्स पठाई देशभर छरिएर रहेका यस बैंकका १२ हजारभन्दा बढी रेमिट्यान्स एजेन्टहरूमार्फत सहज रुपमा नगद लिन सकिने व्यवस्था समेत रहेको बैंकले जनाएको छ ।
वर्ल्डरेमिट एपका अलावा यसको वेबसाइटमा लगइन गरी आवश्यक विवरण भरेर सजिलै नेपालमा आफ्नो वा आफन्तहरूको खातामा रकम पठाउन सकिनेछ ।
