काठमाडौं । नेपाल एसबिआई बैंक लिमिटेडका नवनियुक्त संचालक समितिका अध्यक्ष मुनीष कुमार चान्दनाले पद तथा गोपनियताको सपथ ग्रहण गरेका छन् । अध्यक्ष चान्दनाले नेपाल राष्ट्र बैंकका गर्भनर प्रा.डा. विश्वनाथ पौडेलबाट पद तथा गोपनीयताको शपथ गरेका हुन् ।
बैंकको संचालक समितिको साउन २७ गते बसेको ५४८औँ बैठकले भारतीय स्टेट बैंक (एस.बी.आई.) लाई प्रतिनिधित्व गरी आएका संचालक मुनीष कुमार चान्दनालाई बैंक संचालक समितीको अध्यक्षमा सर्वसम्मत्तीबाट चयन गरेको थियो ।
अध्यक्ष चान्दना, एस.बी.आई. को मुम्बई स्थित प्रधान कार्यालयको अन्तर्राष्ट्रिय बैंकिङ्ग समूह–२ मा मुख्य महाप्रबन्धकको पदमा कार्यरत छन् ।उनले हाल एस.बी.आई.को पूर्वी तथा दक्षिण एसिया, सिंगापुर, अस्ट्रेलियाको अन्तर्राष्ट्रिय बैंकिङ्ग संचालन र विश्वभर रहेका प्रमुख विदेशी सहायक बैंकहरुको लागी रणनीतिक नेतृत्व प्रदान गर्नेछन् ।
