काठमाडौँ । नेपाल राष्ट्र बैंकका निर्देशक राजनबिक्रम थापा कार्यकारी निर्देशकमा बढुवा भएका छन् । राष्ट्र बैंकको मानव संशाधन व्यवस्थापन विभागले कार्तिक १६ गते उनलाई बढुवा गरेको हो।
डा. गुणाकर भट्टले अवकाश पाएपछि राष्ट्र बैंकमा प्रशासन सेवातर्फ एक जना कार्यकारी निर्देशक (अधिकृत विशिष्ट श्रेणी) पद रिक्त थियो । जसमा नेपाल राष्ट्र बैंक कर्मचारी सेवा विनियमावली, २०६८ (तेस्रो संशोधन समेत) को विनियम ५२ बमोजिम सम्भाव्य भएका निर्देशक (अधिकृत प्रथम) पदमा कार्यरत अधिकृतहरुमध्येबाट सोही विनियमावलीको विनियम ६५ को उपविनियम (२) अनुसार निर्देशक (अधिकृत प्रथम) लाई कार्यकारी निर्देशक (अधिकृत विशिष्ट श्रेणी) पदमा बढुवा गर्नु पर्ने व्यवस्था थियो । सोहिअनुसार थापा कार्यकारी निर्देशकमा बढुवा भएका हुन् ।
उनलाई डा. भट्ट कै जिम्मेवारी अर्थात् गभर्नर कार्यालयको जिम्मेवारी तोकिएको छ। थापा आफै पनि गभर्नर कार्यालय मै निर्देशक थिए।
