भारतले भन्यो: ‘पूर्ण युद्धविराम लागू भयो अब हमला हुन्न’

काठमाडौँ । भारत र पाकिस्तानबीच जमिन, आकाश र समुद्र सबै क्षेत्रमा पूर्ण युद्धविराम लागू भएको छ। भारतीय विदेश सचिव विक्रम मिस्रीले शनिबार यसबारे जानकारी दिएका हुन्।

उनका अनुसार, पाकिस्तानका डाइरेक्टर जनरल मिलिट्री अपरेशन्स (डीजिएमओ) ले शनिबार दिउँसो ३:३५ बजे भारतका डीजिएमओसँग सम्पर्क गरेर युद्धविरामका लागि सहमति जनाएका थिए। सहमतिअनुसार भारतीय समयअनुसार बेलुका ५ बजेदेखि युद्धविराम लागू हुनेछ।

‘‘अब दुवै देशबीच जमिन, आकाश र समुद्रका माध्यमबाट कुनै पनि प्रकारको हमला हुने छैन,’’ मिस्रीले बताएका छन्।

दुवै देशका डीजिएमओबीच पुनः मे १२ तारिखका दिन दिउँसो १२ बजे औपचारिक वार्ता हुने पनि उनले जानकारी दिए।