काठमाडौं। न्यादी हाइड्रोपावर लिमिटेडले चालू आर्थिक वर्षको दोस्रो त्रैमासको वित्तीय विवरण सार्वजनिक गरेको छ।
समिक्षा अवधीमा कम्पनीले ८६ लाख ५५ हजार रुपैयाँ नोक्सानी व्यहोरेको छ । गत वर्षको यसै अवधिमा कम्पनीले १० करोड ६४ लाख रुपैयाँ नोक्सानी व्यहोरेको थियो । कम्पनीको विद्युत् बिक्रीबाट हुने आम्दानी बढेसँगै यसको नोक्सानी केहि घटेको हो ।
समिक्षा अवधीमा कम्पनीको विद्युत् बिक्रीबाट हुने आम्दानी २७.११ प्रतिशतले बढेर ३६ करोड ४८ लाख रुपैयाँ पुगेको छ । गत वर्षको यसैअवधिमा यसले विद्युत् बिक्रीबाट २८ करोड ७० लाख रुपैयाँ आम्दानी गरेको थियो ।
कम्पनीको खुद सञ्चालन नाफा पनि ५०.९६ प्रतिशतले बढेर २० करोड ९३ लाख रुपैयाँ पुगेको छ । कम्पनीको चुक्ता पुँजी १ अर्ब ५० करोड रुपैयाँ छ । प्रतिशेयर आम्दानी ५८ पैसा ऋणात्मक छ भने प्रतिशेयर नेटवर्थ ७३ रुपैयाँ ७० पैसा छ ।
