काठमाडौं । सिंहदरबारस्थित खानेपानी मन्त्रालयमा आगलागी भएको छ । प्रहरीले आगलागी नियन्त्रणमा लिने प्रयास गरिरहेको छ।
मन्त्रालय रहेको भवनको चौथो तला।मा आगलागी भएको काठमाडौं उपत्यका प्रहरी कार्यालयका प्रवक्ता प्रहरी वरिष्ठ उपरीक्षक (एसएसपी) शेखर खनालले जानकारी दिए ।
एसएसपी खनालका अनुसार बिहान ८ बजेर ४६ मिनेट जाँदा भौतिक मन्त्रालयसँग जोडिएको खानेपानी मन्त्रालयको भवनको चौथो तलामा आगलागी भएको थियो । आगलागीमा खानेपानी मन्त्रालयको भवनमा क्षति भएको छ, भने खानेपानी मन्त्री प्रदिप यादवको कार्यकक्ष जलेर ध्वस्त भएको छ ।
‘बिहान ८:४६ मा भौतिक मन्त्रालय र खानेपानी मन्त्रालय जोडिएको भवनमा आगलागी भएको थियो । खानेपानी मन्त्रालयको भवनमा क्षति पुगेको छ । नियन्त्रणमा आइसक्यो,’ उनले भने, ‘क्षतिको अरु विवरण आइसकेको छैन ।’
Artha Sanjal
