नेपाल लाइफ इन्स्योरेन्सले ल्याएको योजना अनुसार बीमा शुल्क (प्रीमियम) इसेवाबाट भुक्तानी गर्ने बीमितहरुमध्ये एकले लक्की ड्र मार्फत आइफोन १२ हात पारेका छन् । नेपाल लाइफको कार्यालयमा एक कार्यक्रमका बीच लक्की ड्र मार्फत छनोट भएका विराटनगर निवासी विज्ञान दाहाललाई कम्पनीका नायब महाप्रबन्धक अमित केयालले आइफोन १२ प्रदान गरेका थिए ।
नेपाल लाइफका नायब महाप्रबन्धक केयालले डिजिटल प्लाटफर्म मार्फत प्रीमियम भुक्तानी गर्दा समयको बचत र झन्झटबाट मुक्त हुनुका साथै इसेवाले ग्राहकहरुलाई यस किसिमका उपहार प्रदान गर्दा डिजिटल पेमेन्टमा आकर्षण बढ्ने धारणा व्यक्त गरे ।
आइफोन १२ विजेता दाहालले १० वर्ष अघि बीमा गरेको पोलिसिको प्रीमियम समय र सहजतालाई ध्यान दिइ इसेवाबाट भुक्तानी गर्दा लक्की ड्रको बारेमा जानकारी नभएको बताए । तर इसेवाबाट तपाई लक्की ड्र मार्फत छनौट हुनु भएको छ भनी फोन आउँदा आफु सर्पाइज भएको सुनाएका थिए ।
नेपाल लाइफले बीमितहरुलाई सरल र सहज सेवा प्रदान गर्न विभिन्न डिजिटल पेमेन्ट सिस्टम तथा डिजिटल वालेटहरुसँग बीमा शुल्क (प्रिमियम) भुक्तानीको सम्झौता गरेको छ । जसले गर्दा कुनै पनि ठाउँबाट जुनसुकै समयमा प्रिमियम भुक्तानी गर्न सकिने सुविधा प्रदान गरेको छ । नेपाल लाइफले प्रिमियम डिजिटल वालेटहरु ई–सेवाका साथै खल्ती, कनेक्ट आइपीएस, फोन पे, आईएमई पे तथा प्रभु पे लगायतबाट अनलाइन भुक्तानी गर्न सकिने जनाएको छ ।
