पर्यटन बोर्डको सीईओका लागि दरखास्त आह्वान, कति चाहिन्छ योग्यता ?

काठमाडौं। नेपाल पर्यटन बोर्डको प्रमुख कार्यकारी अधिकृत पदमा दरखास्त आह्वान भएको छ। बोर्डको सीईओ छनोट उपसमितिले शनिबार सूचना प्रकाशित गर्दै आवेदन माग गरेको हो। सूचना प्रकाशित भएको मितिले १२ दिनभित्र इच्छुक तथा योग्य उम्मेदवारलाई आवेदन दिन उपसमितिले भनेको छ।

नेपाली नागरिक भएको, कम्तिमा मास्टर्स डिग्रीसम्मको अध्ययन सकेर पर्यटन क्षेत्रमा १० वर्षको कार्यानुभव भएको, ३५ वर्ष पुरा भई ६० वर्ष ननाघेको, कुनै पनि फौजदारी अभियोग नलागेको, कुनै पनि विदेश देशको स्थायी आवास अनुमति पत्र नभएको र अन्य कुनै कानुनले अयोग्य ठहर नगरेकाले आवेदन दिन सक्ने छन् ।