काठमाडौं । ज्योति विकास बैंकको प्रमुख कार्यकारी अधिकृत(सीईओ) मा कपिल ढकाल नियुक्त भएका छन् ।
कम्पनीको मंसिर २० गते बसेको सञ्चालक समितिको बैठकले उनलाई चार वर्षको लागि सीईओ पदमा नियुक्त गर्ने निर्णय गरेको हो । यसअघि उनी कम्पनीको कायम प्रमुख कार्यकारी अधिकृतको रुपमा कार्यरत थिए ।
उनी कम्पनीको गत मंसिर ३ गते बसेको सञ्चालक समितिको बैठकबाट यसअघि कायम मुकायम सीईओमा नियुक्त भएका थिए ।
प्रोफेसनल चार्टर्ड एकाउन्टेन्ट् ढकालसँग बैंकिङ क्षेत्रको उच्च व्यवस्थापन तहमा करिब १५ वर्षभन्दा बढीको कार्य अनुभव छ । उनले डिलोईट इन्डिया, आईसीआईसीआई बैंक इन्डिया, हाम्रो विकास बैंकको प्रमुख कार्यकारी अधिकृत तथा एनआईसी एसिया बैंकको सहायक प्रमुख कार्यकारी अधिकृतको रूपमा कार्य गरेका छन् ।
