लिम्चुङबुङ गाउँपालिकाको नगरेमा ग्याल्पो ल्होसारको अवसरमा बुद्ध मूर्ति स्थापना गरिएको छ । गाउँपालिकाले बौद्ध धर्माबलम्बीको सम्मानमा शेर्पा समुदायको ग्याल्पो ल्होसारको अवसरमा बुद्ध मूर्ति स्थापना गरी अनावरण गरेको हो ।
शेर्पा समुदायको बाहुल्यता रहेको पालिकाको वडा नम्बर ३ नगरे गाउँमा बुद्ध मूर्ति राखेर अनावरण गरेको पालिकाका लेखा अधिकृत ताराकिरण राईले जानकारी दिए ।
ल्होसारको विशेष कार्यक्रमसँगै पालिका अध्यक्ष मेजरकुमार राईले बुद्ध मूर्तिको अनावरण गरेका हुन् ।
