काठमाडौं । नेपाल प्रहरीको केन्द्रीय अनुसन्धान ब्यूरो .सीआईबी)ले ब्रेक शुमा लुकाएर थप ३०२ किलो सुन तस्करी भएको निष्कर्ष निकालेको छ । करिब ६१ किलो सुन तस्करी प्रकरणको प्रतिवेदन सरकारी वकिल कार्यालाइलाई बुझाउनुअघि आयोजित पत्रकार सम्मेलनम सीआईबी प्रमुख किरण बज्राचार्यले यो निष्कर्ष सुनाएकी हुन् ।
६१ किलो सुन तस्करी प्रकरणमा सीआईबीले माओवादी नेत्री अमला रोकासहित ५० जनालाई प्रतिवादी बनाएको छ । जसमध्ये १८ जना फरार सूचीमा छन् भने ३२ जना यसअघि नै पक्राउ परेर प्रहरी नियन्त्रणमा छन् ।
२ साउनमा बरामद भएको ब्रेक शुमा करिब ६१ किलो सुन बरामद भएको थियो । गोदामहरुमा छापा मार्दा अरु पनि यसरी समान ल्याएको खुलेको थियो ।
त्यसमा अनुसन्धान गरेको सीआईबीले ब्रेक शुमा लुकाएर थप ३०२ किलो सुन तस्करी गरेको निष्कर्ष निकालेको हो । सीआईबी प्रमुख बज्राचार्यले भनिन्, ‘ब्रेक प्याडहरुलाई यकिन तौल गरेर ३०२.६२ किलो थप सुन ल्याएको देखिएको छ ।’
त्यसअनुसार सीआईबीले ३ अर्ब ५० करोड, २ लाख १६ हजार ५५२ रुपैयाँ बिगो कायम गरेको छ ।
अर्थ सन्जाल