काठमाडौं । नेपाल स्टक एक्सचेन्ज नेप्सेमा नेपाल फाइनान्सको हकप्रद सेयर सुचिकृत भएको छ । आज कम्पनीको ४० हजार २ सय ४५ कित्ता हकप्रद सेयर सुचिकृत भएको हो । यो लिलाम मार्फत बिक्री गरिएको हकप्रद सेयर हो ।

सेयर सुचिकृत भएसंगै आफ्नो डिम्याट खातामा आए पछि लगानीकर्ताले यी सेयर खरिद बिक्री गर्न सक्ने छन्।

कम्पनीले जेठ ६ गतेदेखि जेठ २६ गतेसम्म १ कित्ता बराबर ०.७० कित्ता हकप्रद अर्थात् ७० प्रतिशत हकप्रद निष्काशन गरेको थियो। कम्पनीले ३४ करोड ५४ लाख ४७ हजार ४ सय २८ रुपैयाँ बराबरको ३४ लाख ५४ हजार ४ सय ७४ दशमलव २७५० कित्ता हकप्रद निष्काशन गरेको थियो । हकप्रदमा बिक्रि नभएको शेयर लिलाम मार्फत बिक्री गरिएको हो।

मिती : २४ भाद्र २०८०, आईतवार १६:०४ बजे प्रकाशित