काठमाडौं । समता घरेलु लघुवित्तले मनकामना स्मार्ट लघुवित्तलाई प्राप्ति (एक्विजिशन) गर्ने भएको छ । यी दुई संस्थाले आज भदौ ७ गते बिहान १०.१५ बजे प्राप्ति सम्बन्धि समझदारी पत्रमा हस्ताक्षर गरेका हुन् ।
काभ्रेपलाञ्चोक जिल्ला, बनेपा नगरपालिका वडा नं. ७ मा रजिष्टर्ड (केन्द्रीय) कार्यालय रहेको समता घरेलु लघुवित्तले रुपन्देही जिल्ला, सिद्धार्थनगर नगरपालिका वडा नं. ५ मा रजिष्टर्ड (केन्द्रीय) कार्यालय रहेको मनकामना स्मार्ट लघुवित्तलाई गाभ्न लागेको हो।
हाल समता घरेलु लघुवित्तको चुक्ता पुँजी ३९ करोड ४१ लाख रहेको छ भने मनकामना स्मार्ट लघुवित्तको चुक्ता पुँजी १४ करोड ८४ लाख रहेको छ ।
आर्थिक वर्ष २०७९/८० मा समता घरेलु लघुवित्तले ५ करोड ७४ लाख खुद नाफा कमाएको थियो मनकामना स्मार्ट लघुवित्तले २१ लाख ६८ हजार खुद नफा कमाएको थियो।
Artha Sanjal
अर्थ सन्जाल