काठमाडौं । नेपाल इन्भेस्टमेन्ट मेगा बैंकले गत आर्थिक वर्षको अन्त्यसम्म ४ अर्बभन्दा बढी नाफा आर्जन गरेको छ । गत आर्थिक वर्षको अन्त्यसम्म बैंकको खुद नाफा १३.१४ प्रतिशतले बढेर ४ अर्ब २९ करोड रुपैयाँ पुगेको छ । अघिल्लो वर्ष बैंकले ३ अर्ब ७९ करोड रुपैयाँ खुद नाफा आर्जन गरेको थियो ।
यो अवधिमा बैंकको खुद ब्याज आम्दानी ११०.९६ प्रतिशतले बढेर १२ अर्ब २७ करोड रुपैयाँ भएको छ । अघिल्लो वर्ष यही अवधिसम्म बैंकको खुद ब्याज आम्दानी ५ अर्ब ८१ करोड रुपैयाँ रहेको थियो।
बैंकको सञ्चालन मुनाफा १८.६३ प्रतिशतले बढेर ७ अर्ब ४६ करोड रुपैयाँ रहेको छ । अघिल्लो वर्ष यस्तो मुनाफा ६ अर्ब २८ करोड रुपैयाँ थियो । बैंकको वितरणयोग्य मुनाफा १५ करोड ८३ लाख रुपैयाँ रहेको छ। अघिल्लो वर्ष १ अर्ब ३० करोड रुपैयाँ थियो।
बैंकको खराब कर्जा अनुपात (एनपीएल) बढेर ४.३५ प्रतिशत पुगेको छ। अघिल्लो वर्ष एनपीएल १.४९ प्रतिशत थियो । बैंकको खराब कर्जा बढ्दा इम्पेयरमेन्ट चार्ज पनि बढेर २ अर्ब ४४ करोड रुपैयाँ पुगेको छ ।
बैंकको जगेडा कोषमा २३ अर्ब ८९ करोड रुपैयाँको उचाइमा पुगेको छ । यस अवधिमा बैंकले ३ खर्ब ५४ अर्ब रुपैयाँ निक्षेप संकलन गरी ३ खर्ब ३ अर्ब रुपैयाँ कर्जा परिचालन गरेको छ।
बैंकको प्रतिसेयर आम्दानी (ईपीएस) भने घटेर १६.०७ रुपैयाँ कायम भएको छ। अघिल्लो वर्ष ईपीएस २०.७४ रुपैयाँ थियो। पीई रेसियो १०.८१ गुणा रहेको बैंकको प्रतिसेयर नेटवर्थ १७०.४८ रुपैयाँ रहेको छ।
अर्थ सन्जाल