काठमाडौं । एसीसी इमर्जिङ एशियाकपमा पाकिस्तानविरुद्ध नेपालले खराब ब्याटिङ गरेको छ ।
श्रीलंकाको कोलोम्बो क्रिकेट मैदानमा टस जितेर ब्याटिङ गरिरहेको नेपालले १४औं ओभरको समाप्तिमा सात विकेट गुमाएर ६९ रन बनाउँदा सात विकेट गुमाएको छ ।
नेपालले छैटौं विकेटको रुपमा पवन सराफलाई ब्यक्तिगत एक रनमा गुमाएको हो । नेपालले १०.१ ओभरमा ३९ रन बनाएको छ । पवनलाई शान्हावाज दहानीले आउट गरेका हुन् ।
यसअघि नेपालले पहिलो विकेटको रुपमा ओपनर कुशल भुर्तेललाई दोस्रो ओभरको पाँचौ बलमा १४ रनको अवस्थामा गुमाएको थियो ।
त्यस्तै दोस्रो विकेटको रुपमा मोहम्मद आशिफ शेखलाई ब्यक्तिगत १२ रनमा चौथो ओभरको अन्तिम बलमा शान्हावज दलानीले नै तायब ताहिरको हातबाट क्याच आउट गराएका हुन् ।
नेपालले तेस्रो विकेट पाँचौ ओभरको पाँचौं बलमा गुमाएको हो । तेस्रो विकेटको रुपमा नेपालले कप्तान रोहित कुमार पौडेललाई चार रनमा गुमाएको हो ।
नेपालले चौथो विकेटका रुपमा सातौं ओभरको अन्तिम बलमा भिम सार्कीले खाता नखोल्दै गुमाएको हो । त्यसपछि पाँचौ विकेट ७.४ ओभरमा अर्जुन साउदलाई स्कोर ३७ रन हुँदा १७ रनमा गुमाएको हो ।
