काठमाडौं। चिलिमे जलविद्युत कम्पनी लिमिटेडले चालु आर्थिक वर्ष २०७९/८० को तेस्रो त्रैमासको अपरिष्कृत वित्तीय विवरण सार्वजनिक गरेको छ।
चालु आर्थिक वर्षको चैत मसान्तसम्म कम्पनीको खुद नाफा १.३४ प्रतिशतले बढेर ५२ करोड ८९ लाख रुपैयाँ पुगेको छ । गत वर्ष यही अवधिमा कम्पनीले ५२ करोड २० लाख रुपैयाँ नाफा आर्जन गरेको थियो ।
यो अवधिमा कम्पनीको विद्युत बिक्रीको आम्दानी २.३३ प्रतिशतले घटेको छ । कम्पनीले यस अवधिमा विद्युत बिक्रीबाट ८० करोड ४२ लाख रुपैयाँ आर्जन गरेको छ । गत वर्ष यही अवधिमा यस्तो आम्दानी ८२ करोड ३४ लाख रुपैयाँ रहेको थियो।
कम्पनीको सञ्चालन आम्दानी थोरै घटेर ५० करोड ९६ लाख रुपैयाँ भएको छ। गत वर्ष यही अवधिमा यस्तो आम्दानी ५४ करोड ३२ लाख रुपैयाँ रहेको थियो।
चुक्तापुँजी ७ अर्ब २५ करोड रुपैयाँ रहेको कम्पनीको रिटेन्ड अर्निङ घटेर ३ अर्ब १३ करोड रुपैयाँको भएको छ।
कम्पनीको प्रतिसेयर आम्दानी (ईपीएस) ९.६२ रुपैयाँ, मूल्य अनुपात आम्दानी (पीई रेसियो) ५०.९३ गुणा र प्रतिसेयर नेटवर्थ १४३.२३ रुपैयाँ रहेको छ।
