काठमाडौं । आइएमई जनरल इन्स्योरेन्स र प्रुडेन्सियल इन्स्योरेन्सले वैशाख २७ गतेदेखि एकीकृत कारोबार थाल्ने भएका छन् । दुई कम्पनीबीच मर्जर पश्चात आइजीआई प्रुडेन्सियल इन्स्योरेन्स कम्पनीको नामबाट एकीकृत कारोबार थाल्ने भएका हुन्।

बैशाख १५ गते बसेको कम्पनी सञ्चालक समितिको बैठकले धितोपत्र दर्ता गराएका संगठित संस्था एक आपसमा गाभ्ने/गाभिने तथा प्राप्ति सम्बन्धी निर्देशिका अनुसार दुई कम्पनीबीच मर्जर भई एकीकृत कारोबार शुरु गर्ने निर्णय गरेको हो ।

आइएमई जनरल र प्रुडेन्सियल इन्स्योरेन्सलाई नेपाल धितोपत्र बोर्डले मर्जरको लागि बैशाख १२ गते अन्तिम स्वीकृति प्रदान गरेका थियो ।

आइएमई जनरल र प्रुडेन्सियलबीच माघ २७ गते एकआपसमा मर्जरमा जाने सहमति भएका थिए । दुई कम्पनीबीच १ बराबर १ अनुपातमा मर्जरमा जाने भएका हुन् ।

मिती : १८ बैशाख २०८०, सोमबार १२:०० बजे प्रकाशित