नेपाल राष्ट्र बैंकले नेपालमा बैंकहरुको अवस्था सुरक्षित रहेको जानकारी दिएको छ । राष्ट्र बैंकले नेपालको वर्तमान आर्थिक तथा वित्तीय स्थितिबारे जानकारी दिन मंगलबार पत्रकार सम्मेलनको आयोजना गर्दै गभर्नर महाप्रसाद अधिकारीले बैंक तथा वित्तीय क्षेत्र पूर्ण सुरक्षित अवस्थामा रहेको जानकारी दिएका हुन् ।

उनले सानातिना धक्काले बैंकिङ क्षेत्रमा अफ्ठेरो नपर्ने बताए । ‘समग्रमा बैंकहरूको अवस्था सुरक्षित छ । स्वस्थ छ । सानोतिनो धक्काले जाेखिम आउने अवस्था छैन । तथ्यांकहरू पनि बलिया छन्’ उनले भने ।गभर्नर अधिकारीले अहिलेको नेपालको आर्थिक स्थिस्ती सुधारको बाटोमा रहेको जानकारी दिए ।

राष्ट्र बैंकका अनुसार गत वर्षसम्म नेपालको बाह्य क्षेत्र चापमा रहेपनि यतिबेला सुधार भइसकेको स्थिति छ ।

गभर्नर अधिकारीले विदेशी विनियम सञ्चिति सुविधाजनक अवस्थामा रहेको बताए । फागुनदेखि कर्जाको ब्याजदर स्थिर भएपनि बेसरेट घट्दो दरमा रहेको समेत उनले जानकारी दिए । विदेशी विनियम सञ्चिति सुविधाजनक अवस्थामा पुगेको र मुद्रास्फीति घट्दो अवस्थामा रहेको समेत उनले बताए ।

मिती : २८ चैत्र २०७९, मंगलवार १५:५० बजे प्रकाशित