अर्थमन्त्री डा. प्रकाशशरण महतले देशको अर्थतन्त्र सुधारका लागि सरकारले अल्पकालीन र दीर्घकालीन नीति बनाउन लागेको बताएका छन् । अल्पकालीनमा पुँजीगत खर्च बढाउने र अनावश्यक खर्च घटाउने, समयमा काम नसक्ने खालका समस्या समाधान गर्नेतर्फ सरकार गम्भीर रहेको उनले बताए ।

नेपाल उद्योग वाणिज्य महासंघको ५७ औं वार्षिक साधारणसभामा बोल्दै अर्थमन्त्री महतले भने, ‘अर्थतन्त्र सुधारको लागि सरकार गम्भीर भएर लागिपरेको छ ।’अर्थतन्त्र कमजोर हुँदै गयो भन्दैमा आत्तिनुभन्दा पनि सुधार गरेर जानुपर्नेमा उनले जोड दिए । ‘हामी सबैमा कमीकमजोरी छ, हुनसक्छ । तर त्यसलाई सुधार गरेर अघि बढनु पर्छ,’ उनले भने ।

अर्थमन्त्री महतले चालु खर्च बढाउन सरकार र निजी क्षेत्र समन्वय आवश्यक रहेको पनि औँल्याए । साथै उनले ऋण लिएपछि तिर्दिनँ भन्नु गलत भएको बताए ।

मिती : २८ चैत्र २०७९, मंगलवार १३:०५ बजे प्रकाशित