ग्लोबल आइएमई बैंक लिमिटेडले आफ्ना ग्राहकहरुका लागि हृयाप्पी आवर्स योजना सार्वजनिक गरेको छ । बैंकको उक्त योजना अन्र्तगत बैंकका ग्राहकहरुले ग्लोबल स्मार्ट प्लसबाट अनलाइन भुक्तानी गर्दा खरिदको २० प्रतिशतसम्म क्यासब्याक पाउनेछन ।
बैंकले मोबाइल बैंकिङ एप्लिकेशन ग्लोबल स्मार्ट प्लसबाट गरिने भुक्तानी प्रक्रियालाई प्रवर्द्धन गर्नका लागि यो क्यासब्याक योजना सार्वजनिक गरेको हो ।
यस हृयाप्पी आवर्स योजनाअन्तर्गत ग्लोबल स्मार्ट प्लसबाट अनलाइन भुक्तानी गर्दा ग्राहकहरुले क्यासब्याक पाउनेछन । २०७९ साल चैत्र १९ देखि २०८० वैशाख १६ गतेसम्म दिन विशेष रुपमा चल्ने यस योजनामा प्रति ग्राहक प्रति दिन एक कारोबारको क्यासब्याकका लागि योग्य हुनेछ ।
जसअन्तर्गत आईतबारदेखि शनिबारसम्म बेलुका ७ देखि १० बजेसम्म विभिन्न सेवा लिए २० प्रतिशतसम्म क्यासब्याक पाईने बताईएको छ । जसअनुसार प्रतिदिन क्रमशः मोबाईल डाटा प्याक खरिद, टिभीको बिल भुक्तानी, इन्टरनेटको बिल भुक्तानी, हवाईजहाजको टिकट खरिद, केवलकारको टिकट खरिद गरे उक्त छुट पाईने बताईएको छ ।
ग्लोबल आइएमई बैंक मुलुकका ७७ जिल्लामा शाखा सञ्जाल रहेको निजी क्षेत्रको पहिलो वाणिज्य बैंक हो ।
