इन्फिनिटी लघुवित्त वित्तीय संस्था लिमिटेडले चालू आर्थिक वर्षको पहिलो त्रैमाससम्म  ६५ लाखभन्दा बढी खुद नाफा गरेको छ । गत वर्षको तुलनामा यस वर्ष कम्पनीको खुद नाफा ८६ दशमलव ३० प्रतिशत कम भएको हो । गत वर्ष यस अवधिसम्म  ४ करोड ७४ लाखभन्दा बढी खुद नाफा गरेको थियो ।

गत वर्षको तुलनामा कम्पनीको सञ्चालन नाफा समेत ८६ दशमलव ३० प्रतिशत कम भएको छ । गत वर्ष  ६ करोड ७८ लाखभन्दा बढी सञ्चालन नाफा गरेको कम्पनीले  ९२ लाखभन्दा बढी मात्र सञ्चालन नाफा गरेको हो । गत वर्षभन्दा यस वर्ष कम्पनीको सञ्चालन खर्च करिब ५ प्रतिशत बढी भएको छ । गत वर्ष ५ करोड ८४ लाखभन्दा बढी सञ्चालन खर्च गरेको कम्पनीले यस वर्ष ६ करोड ११ लाखभन्दा बढी सञ्चालन खर्च गरेको हो ।
हाल कम्पनीको चुक्तापूँजी  ४१ करोड ४५ लाख १३ हजार रहेको कमपनीको रिटेन्ड अर्निग  ११ करोड ७६ लाखभन्दा बढी रहेको छ । जगेडा कोष रकम  १४ करोड २३ लाखभन्दा बढी कायम भएको छ ।

चालू आर्थिक वर्षको पहिलो त्रैमाससम्म कम्पनीले गत वर्षभन्दा २ दशमलव २८ प्रतिशत बढी  १ अर्ब ४५ करोड निक्षेप संकलन गरेको कम्पनीले करिब ५ प्रतिशत बढी  ५ अर्ब १० करोडभन्दा बढी कर्जा प्रवाह गरेको छ । गत वर्षभन्दा यस वर्ष कम्पीले ४ दशमलव ८६ प्रतिशत बढी ३ अर्ब ५ करोडभन्दा बढी कर्जा सापटी लिएको छ ।

गत वर्ष ४ दशमलव ६५ प्रतिशत निष्क्रिय कर्जा रहेको कम्पनीको यस वर्ष बढेर ४ दशमलव ८० प्रतिशत पुगेको छ । वार्षिक प्रतिशेयर आम्दानी ६ दशमलव २८ रहेको कम्पनीको प्रतिशेयर नेटवर्थ  १६२ दशमलव ७१ रहेको छ ।

मिती : ६ मंसिर २०७९, मंगलवार १०:५४ बजे प्रकाशित