नाडा आबोमोबाएल्स एसोसिएसन अफ नेपालको ४५ औं अधिवेशन यही मंसिर २२ र २३ गते काठमाडौंको सोल्टी होटलमा हुँदैछ । नाडाको अधिवेशनले आगामी २ वर्षका लागि नयाँ कार्यसमिति चयन गर्न निर्वाचन हुँदैछ । सर्वसहमतीको लागि छलफल गरे पनि कुनै निष्कर्ष नआएकोले अब निर्वाचन हुने निस्चित भएको हो ।
अधिवेशनको मिति नजिक आएसँगै नयाँ नेतृत्वका लागि ठूला व्यवसायी घरानाबीच प्रतिस्पर्धा सुरु भएको बताइएको छ । नयाँ कार्यसमितिका लागि हालका उपाध्यक्ष करण चौधरी र पूर्व उपाध्यक्ष धुव्र थापाले १७-१७ जनाको चुनावी प्यानल घोषणा गरिसकेका छन् । अध्यक्षका उमेदवार दोयले अनलाइनपानालाई बताउँदै आफ्नो प्यानलले जित्ने निस्चित भएको दावी गरेका छन् । त्यसोत दुबै समूहले निर्वाचनको दिन बिहानसम्म सर्वसहमतिका लागि आफू तयार रहेको भनेर पनि जिनो आसा बाँकी राखेका छन् ।
नाडाको चुनाव झनझन पेचिलो बन्दै गएको छ । निर्वाचनको पूर्वाद्धमा करिब २ हजार ३ सय जना नयाँ सदस्यता विस्तार भएको छ । चुनावी तयारीमा जुटेका करण चौधरी र ध्रुबै थापा दुबैले १÷१ हजार जना नयाँ सदस्यताको आवेदन नाडामा बुझाएका थिए ।
नाडालाई संघीय मोडलमा लैजाने र सदस्यता पनि विस्तार गर्ने नीति अनुसार नै नयाँ सदस्यता थपएिको उपाध्यक्ष तथा नयाँ अध्यक्षको दावेदार करण चौधरीले बताए । सदस्यता वितरण गर्दा विभिन्न ब्राण्डका नेपालका लागि आधिकारिक विक्रेताहरुले सबै सबडिलर, स्पेयर पार्ट बिक्रेता, सर्भिस सेन्टरहरुलाई सदस्यता दिलाएका थिए ।
कस्लाई कुन ब्राण्डको साथ
हालका उपाध्यक्ष तथा अधिवेशनका अध्यक्ष पदका उमेदवार करण चौधरी सुजुकी नेपालको आधिकारिक बिक्रेता तथा चौधरी समूहको सीजी मोटोकर्पका कार्यकारी निर्देशक हुन् । उनलाई टाटा, यामाहा, हिरो, होण्डा, महिन्द्रा, जीप, स्कोडा, पेउगोट लगायत ब्राण्डका व्यापारीहरुको समर्थन देखिन्छ । चौधरीको टिममा सिप्रदी ट्रेडिङका सीईओ राजनबाबु श्रेष्ठ, हिरो मोटर्सका कार्यकारी निर्देशक अभिक ज्योति, आईएमई मोटर्सका निशान ढकाल रहेका छन् ।
यस्तै, नाडाको वर्तमान कार्यसमितका महासचिव एवंम पार्ट्स व्यवसायी सुनिल रिजाल, सुजुकी डिलर तथा कार्यसमिति सचिव अनुप बराल, सुरेन्द्र उप्रेती, नाडाका पूर्व उपाध्यक्ष तथा हिरो डिलरका प्रकाश कपुरी चौधरी प्यानलबाट चुनाव लड्दै छन् ।
यस्तैगरी, ब्याट्री उद्योगी सुरेन्द्र कुमार उप्रेती, टायर व्यवसायी विक्रम सिंघानिया, एमएडडब्लुका मिलनबाबु मल्ल, पार्ट्स रिटेलर पंकज अग्रवाल र निलामणि पाठक पार्टस, पार्टस व्यवसायी देवराज भणडारी लुब्रिकेन्ट्स व्यवसायी गंगाराज भट्टराई र चितवनका अटो व्यवसायी गोपाल भट्टराई चौधरी समूहको प्यानलमा रहेका छन् ।
अध्यक्ष पदका अर्का दावेदार धुब्रवहादुर थापा फोर्स मोटरको नेपालको आधिकारिक बिक्रेता तथा हिमालय अर्गनाइजेसनका अध्यक्ष हुन् । उनलाई हुन्डाईको आधिकारिक बिक्रेता तथा लक्ष्मी गुप्रको साथ रहेको पाइन्छ । लक्ष्मी गुप्रका कार्यकारी निर्देशक निराकर श्रेष्ठ उनको टिममा उम्मेदवार छन् । नाडाका उपाध्यक्ष तथा फोर्ड मोटर्सका आधिकारिक बिक्रेता आकाश गोल्छाले थापालाई सहयोग गरेका छन् ।
अटो मोवाइल क्षेत्रमा बलियो उपस्थिति जनाएका शंकर गुप्र, दुगड गुप्र, गोल्छा अर्गनाइजेसन, बैद्य अर्थनाइजेशन, सारडा गुप्र तथा कन्टिनेन्टल गुप्रले थापालाई साथ दिएका छन् । ब्राण्डका हिसावले फोर्स, हुण्डाइ, बजाज, टीभीए, टोयटा, भक्सवागन, रेनोल्ड, निसान, गो फोर्ड, ड्याट्सन, विवाइडी, मित्सुविसी, एमजी लगायत गाडीको विक्रेताले थापालाई साथ दिने भएका छन् ।
यस्तै, थापा समूहले पहिलो पटक महिला प्रतिनिधिलाई आप्नो प्यानलमा समावेश गरेको छ । विवाईडीको अधिकारिक विक्रेता साइमेक्स इंककी कार्यकारी निर्देशक यमुना श्रेष्ठ, हिक्टो प्रा।लिका प्रदिपमान प्रधान, सुवासिस थपलिया, अमरज्योति रञ्जित, बि.एन. पाठक, दिपेन्द्रकुमार मिश्र, नवराज भुसाल, नारायणप्रसाद पौडेल, प्रकाश सिग्देल, रिद्धि कार्की, सगुन बि.एस्. कंसाकार, सञ्जयकुमार खेतान उनको प्यानलमा खुलेका छन् ।
चौधरीले वर्तमान कार्यसमितिको ८० सदस्य आफ्नो प्यानलमा रहेको बताएका छन् । थापाले आप्नो प्यानलाई ९० प्रतिशत अटोमोबाइल्स व्यवसायीको साथ रहेको दाबी गरेका छन् ।
