काठमाडौं महानगरपालिकाका मेयर बालेन्द्र शाह (बालेन) चुनावअघि एक गायन रियालिटी शोको निर्णायकको भूमिकामा थिए । उनी र्याप गायनमा आधारित रियालिटी शो ‘नेपहपको श्रीपेच’को निर्णायकको कुर्सीमा थिए ।
उनी महानगरको मेयर बन्ने चुनावी दौडमा रहेका बेला केही समय उनको उक्त कुर्सी खाली रह्यो। मेयर बनेसँगै बालेन नेपहपको उक्त कुर्सीमा फर्किएका छन् ।
शो का निर्देशक निकेश खड्काले बालेन अब निर्णायकका रुपमा उक्त कुर्सीमा निरन्तर रहने बताएका छन् ।
मेयर बनेसँगै व्यस्त रहेका बालेनले समय निकालेर ‘नेपहपको श्रीपेच’को जजको भूमिका निर्वाह गर्न सुटिङ सेटमा पुग्ने बताएका छन् ।
शो आयोजकले पनि बालेनको समय हेरेर सुटिङ गर्ने गरेको छ । यो शो मा बालेनका साथमा मानस घले र गिरीश खतिवडा जजको कुर्सीमा छन्। शो को ग्रान्ड फिनाले असार २४ मा हुने छ ।
Artha Sanjal
