काठमाडौं । हिमालयन रिइन्स्योरेन्स लिमिटेडको सञ्चालक समिति पुनर्गठन गरिएको छ।
कम्पनीको सञ्चालक समितिको बैठकले संस्थापक शेयरधनीतर्फबाट प्रतिनिधित्व गर्ने रिक्त सञ्चालक पदमा नयाँ प्रतिनिधिहरू मनोनयन गरी नियुक्त गर्ने निर्णय गरेको हो।
सञ्चालकमा नेपाल बैंकका तर्फबाट होमबहादुर खड्का, हंसराज हुलाचन्द एन्ड कम्पनीका तर्फबाट नितेश तोदी र कालिका फिनकर्पका तर्फबाट पल्लव श्रेष्ठ नियुक्त भएका छन्। सञ्चालकहरुको मनोनयन आगामी वार्षिक साधारणसभासम्मका लागि स्वीकृत गरिएको कम्पनीले जनाएको छ।
यसैगरी कम्पनीको अध्यक्षमा दिपेन्द्र कुमार मिश्रलाई आगामी वार्षिक साधारणसभासम्मका लागि नियुक्ति गरिएको पनि कम्पनीले जनाएको छ।
