काठमाडौँ । पूर्वराज्यमन्त्री तथा नेपाली कांग्रेसको अनुशासन समितिका संयोजक तारामान गुरुङ ८ दिन प्रहरी हिरासतमा बसेर रिहा भएका छन्। भदौ १८ मा पक्राउ परेका गुरुङ भदौ २६ मा छुटेका हुन् ।
बैङ्किङ कसुर मुद्दामा पक्राउ परेका गुरुङले जाहेरवालालाई बुझाउनुपर्ने रकम बुझाएर छुटेको जिल्ला प्रहरी परिसर काठमाडौँका एसएसपी दिलीप घिमिरेले बताए ।
दोर्जे शेर्पालाई ३३ लाख ५० हजार, रिगुज्याम्पु शेर्पालाई १४ लाख र सुनुर्पु शेर्पालाई २४ लाख रुपैयाँ तिरेर उनी रिहा भएका हुन् ।
काठमाडौँका एसएसपी घिमिरेले भने– ‘भदौ १८ मा हामीले नियन्त्रणमा लिएका थियौँ, मिलापत्र गरेर उहाँ छुट्नुभएको छ ।’
