पेशाले शिक्षक रहेका बमले श्रीमतीको दीर्घायु, सुरक्षा र परिवारको आर्थिक भविष्यलाई ध्यानमा राख्दै ७ लाख रुपैयाँ बीमाङ्कको सावधिक जीवन बीमा पोलिसी उपहार दिएका हुन्। उनले क्षणिक मनोरञ्जनभन्दा दीर्घकालीन सुरक्षा र बचतलाई प्राथमिकता दिनुपर्ने सोचका साथ बीमा रोजेको बताए।
उक्त पोलिसी रिलायबल नेपाल लाइफ इन्स्योरेन्स कम्पनी लिमिटेडको अत्तरिया शाखामार्फत जारी गरिएको हो। शाखा प्रमुख मोहनबहादुर बोहराले जन्मदिनको शुभकामना दिँदै पोलिसी हस्तान्तरण गरेका थिए। एजेन्सी म्यानेजर रमेश ढाँटको सहकार्यमा दीपा मल्लकै कार्यकक्षमा पुगेर पोलिसी हस्तान्तरण गरिएको जनाइएको छ।
पछिल्लो समय जन्मदिन, विवाह वर्षगाँठ तथा अन्य विशेष अवसरमा बीमा पोलिसी उपहार दिने प्रवृत्ति बढ्दै गएको देखिन्छ। यसले अनावश्यक खर्च घटाएर बचत, लगानी र आर्थिक सुरक्षाप्रति मानिसहरूको आकर्षण बढाएको कम्पनीले जनाएको छ।
