तेहरान — अमेरिकी समुद्री नाकाबन्दी सुरु भएसँगै इरानी बन्दरगाह वरपरको जलक्षेत्रमा विश्व व्यापार र पारवहन प्रभावित भएको छ।
डोनाल्ड ट्रम्प ले इस्लामवादमा भएको शान्ति वार्ता असफल भएपछि इरानी बन्दरगाहमा आउने–जाने जहाजमाथि नाकाबन्दीको घोषणा गरेका थिए।
नाकाबन्दीपछि स्ट्रेट अफ होर्मुज हुँदै हुने जहाज आवतजावत उल्लेख्य रूपमा घटेको छ।
यसअघि दैनिक १३० भन्दा बढी जहाज सञ्चालन हुने उक्त मार्गमा पहिलो २४ घण्टामा निकै कम जहाज मात्र गुज्रिएका छन्।
अमेरिकी सेन्ट्रल कमाण्ड का अनुसार पहिलो दिन कुनै पनि व्यापारिक जहाजले नाकाबन्दी उल्लंघन गर्न सकेनन्।
कमाण्डले ६ वटा जहाजलाई निर्देशन दिएर पुनः इरानी बन्दरगाहतर्फ फर्काएको जनाएको छ।
यद्यपि केही जहाजहरूले जलमार्ग प्रयोग गरेका छन्। इरानसँग सम्बन्धित मानिएका केही ट्याङ्करले स्ट्रेट अफ होर्मुज पार गरे पनि ती इरानी बन्दरगाहतर्फ गइरहेका थिएनन्।
पानामाको झण्डा बोकेको ‘पिस गल्फ’ ट्याङ्कर संयुक्त अरब इमिरेट्स तर्फ गइरहेको बताइएको छ।
यसैबीच अमेरिकी प्रतिबन्धमा रहेको चिनियाँ स्वामित्वको ‘रिच स्टारी’ जहाज नाकाबन्दीपछि खाडी क्षेत्रबाट बाहिरिने पहिलो जहाज बनेको छ।
चीन ले अमेरिकी कदमको आलोचना गर्दै यसले पश्चिम एसियामा तनाव बढाउने चेतावनी दिएको छ।
अमेरिकी पक्षले भने मानवीय सहायता सामग्री बोकेका जहाजलाई नाकाबन्दीमा छुट दिइने जनाएको छ।
