काठमाडौं । आज साताको पहिलो दिन शेयर बजार दोहोरो अंकले घटेको छ । नेप्से परिसूचक १९.८५ अंकले घटेर २६९४.२० को विन्दुमा कायम भएको छ ।
आज ३२९ कम्पनीको शेयर किनबेच हुँदा ९ अर्ब १० करोडको शेयर कारोबार भएको छ । आज ५० कम्पनीको मात्रै शेयर मूल्य बढेको छ भने २०१ कम्पनीको शेयर मूल्य घटेको छ ।
आज सबैभन्दा धेरै आँखुखोला जलविद्युतको शेयर कारोबार भएको छ । आज यस कम्पनीको ५५ करोड ५२ लाख रुपैयाँको शेयर कारोबार भएको छ । एसवाई प्यानलको ५३ करोड ६४ लाख रुपैयाँको शेयर कारोबार भएको छ । राधि विद्युत कम्पनीको ३८ करोड ९२ लाख रुपैयाँको शेयर कारोबार भएको छ ।
आज सबैभन्दा धेरै मिथिला लघुवित्त वित्तीय संस्थाका लगानीकर्ताले कमाएका छन् । आज यस कम्पनीका लगानीकर्ताले ९.७० प्रतिशतका दरले कमाएका हुन् । क्रेष्ट माइक्रो लाइफका लगानीकर्ताले ८.१९ प्रतिशतका दरले कमाएका हुन् । एनआइबिएल ग्रोथ फन्डका इकाईधनीले ६.५१ प्रतिशतका दरले कमाएका छन् ।
आज सबैभन्दा धेरै कर्पोरेट डेभलपमेन्ट बैंकका लगानीकर्ताले गुमाएका छन् । आज यसका लगानीकर्ताले १० प्रतिशतका दरले गुमाएका हुन् ।
