काठमाडौं । आज सुनको मूल्य ह्वात्तै बढेको छ । आज सुनको मूल्य प्रतितोला २४ सय रुपैयाँले बढेको नेपाल सुनचाँदी व्यवसायी महासंघले जनाएकाे छ ।
आज छापावाला सुनको मूल्य प्रतितोला १ लाख ३९ हजार रुपैयाँ कायम भएको छ । यो मूल्य हालसम्मकै उच्च हो ।
त्यस्तै, आज तेजावी सुनको प्रतितोला १ लाख ३८ हजार ४५० रुपैयाँ कायम भएको छ ।
आज चाँदीको मूल्य पनि ५० रुपैयाँले बढेको छ । चाँदीको मूल्य प्रतितोला १ हजार ७ सय ५० रुपैयाँमा कारोबार भईरहेको छ ।
